Atualità
Sada 18 de utober gran di dla ferata te Puster
USP – La ferata tla valeda de Puster se prejënta dut ntëur nueva. Tres ncrujedes nueves passà de plu ferates, stazions ressanedes pieta plu sauridanza, de nueva ferates pieta na sensazion nueva de viac. N sada, 18 de utober vëniel tenì n gran di dla ferata pra la stazion de Burnech che nvieia via na era nueva dla ferata te Puster.
N sada possa duc se fé na prima mprescion dla ferata nueva de Puster. L nvit vën dal dipartimënt provinziel per la mubilità, la sozietà de strutures de trasport (STA) y i chemuns nteressei. L’atrazion prinzipela de chësc di sarà l viac speziel dla ferata de Puster che muef dala 9.04 a Franzensfeste. Pra la defrënta stazions ulache fërma la ferata vëniel pità de plu scumenciadives. A Mühlbach saral la mujiga, a Vandoies na festa dla stazion, a Ehrenburg n “Frühschoppen” y a S.Laurënz n aperitif.
La festa zentrela de dut l di sarà
n sada, 18 de utober
dala 11.15
tl zënter de mubilità nuef a Burnech
Per chësta ucajion unirà adalerch l Presidënt dla Provinzia, l assessëur ala mubilità, l ambolt de Burnech y l presidënt dla Cumunità raionela de Puster.
Sada domesdì iel udù dant de plu manifestazions pra la stazions de Valdaura, Welsberg, Niederdrof, Toblach y Sanciana (cëla njonta). Sëuraprò vëniel pità viages per mparé a cunëscer la ferata de Puster nueva.
as
