Atualità
Sënta nueva per la Forestela a La Ila
USP - La Jonta provinziela de Bulsan à chëst ena dat pro de cumpré na sënta nueva per l Servisc provinziel dla Forestela a La Ila. Tl raion Bosc da Plan vëniel cumprà locai da ufize cun archif y garasc.
L Servisc provinziel dla Forestela giapa chëst ansciuda na sënta nueva a La Ila. L se trata de doi ufizies cun n pitl local da aspité y banies sun na lerch de feter 90 metricuadrac. Sun feter la medema spersa iel nce garasc y archif. De ndut iel locai sun 180 merticuadrac. “L servisc dla Forestela ne pudova nia plu ciafië cun la vedla sënta y śën son cuntënt de on pudù fé chësc nvestimënt” spiega l assessëur Florian Mussner. Tla stazion dla Forestela a La Ila lëura cater culaburadëures. “Tla vedla sënta fans n afit y an veramënter puecia lerch, perchël aspitons ert de pudëi jì ti ufizies nueves” spiega l cumandant dla stazion Floriano Sottara.
La sënta nueva ie unida frabicheda dala sozietà Findolomit da La Ila y ie unida cumpreda per 776.000 Euro dala Provinzia de Bulsan. Per la fin de auril fejen cont che l unirà finà la mubila a na maniera che l posse unì trapinà dala vedla sënta tla streda Colz, tl zënter dl luech.
as
