Atualità
Sculeies de Sëlva tl Quirinal per la scola ladina
USP – Na grupa de sculeies dla scola mesana de Sëlva à deberieda cun l Ntendënt Roland Verra, reprejentà la scola ladina tl Quirinal a Roma.
Per l scumenciamënt dla ann de scola iel tl palaz de sënta dl presidënt dla Republica unì adalerch feter 2.000 sculeies de duta la Talia deberieda cun l minister dla Istruzion. Bele ntan la festa de giaurida à la reprejentanza ladina pudù vester leprò pra n program culturel cun artisć cunesciui, stars dla mujiga pop y sportives de suzes nternaziunel. I sculeies de Sëlva fova unic cris ora per avëi fat n proiet sun la segurëza tla montes che à drët plajù ala cumiscion. L coordinamënt y l’urganisazion dl viac di sculeies ie unida sëurantëuta dal Servisc Sport Scolastich dla Ntendënza Ladina. La partezipazion a chësta festa vën fata ora uni ann aldò di proiec educatives che uni scola manda ite al Minister dla Istruzion.
as
