Atualità
Jonta provinziela azetea recurs al cumité de aministrazion nia valivà
USP – Ajache tl cumité de aministrazion nuef di Etschwerke ne iel l’ëiles nia reprejentedes uel la Cunsulta provinziela per la valivanza di dërc fé recurs. La Jonta provinziela à ncuei (22 nuvëmber) azetà che l vënie fat chësc recurs.
L Cumité de aministrazion di Etschwerke ie dut de ëi y perchël ne respeteiel aldò dla cunsulta nia la normes provinzieles y stateles de valivanza. Per chësta rejon uelen fé recurs contra chësc cumité de aministrazion. Chësta prutesta muessa uni fata tres l’avocatura dla Provinzia, nsci à i assessëures provinziei azetà la dumanda dla Cunsulta provinziela per la valivanza di dërc.
as
