Atualità
Jonta provinziela: cuatieres per la categuria mesana
USP – Nchin a n auter ann d’inviern uniral tl raion Kaiserau/Casanova a Bulsan sëurandat 461 cuatieres. Na pert de chisc ie nce udui dant per la categuria de davani mesan. Chësc à cunedì l Presidënt dla provinzia, ncuei (29 nuvëmber) tla cunferënza stampa do la senteda dla Jonta provinziela.
Nchin ala fin de chëst ann iel udù dant de sëurandé 81 cuatieres a families. D’instà y de autonn dl ann che vën iel pona prugramà de finé y sëurandé autri 295 cuatieres. L ultima pert di cuatieres tl raion Kaiserau a Bulsan ie prugrameda per n auter ann d’inviern cun 85 cuatieres.
Aldò de na delibra data pro ncuei sun pruposta dl assessëur Tommasini unirà me la prima pert de duc chisc cuatieres sëurandai do i criteries tradiziunei. Di cuatieres udui dant per instà-autonn 2011 unirà 175 sëurandai do i vedli criteries. Di autri 120 unirà i mec (60 cuatieres) sëurandai a families cun davani de categuria mesana. “Chësc cuatieres unirà fitei al plu per 10 ani a rotazion” à dit l presidënt Durnwalder, juntan che i criteries sarà tlo l davani y l sistem a ponc. L fit unirà ratà sun la basa dl fit provinziel. “A chësta maniera uniral curì la dumandes cun passa 25 ponc, n ubietif che nes stà drët a cuer” à dit l Presidënt dla provinzia.
as
