Atualità
Cumiscion tecnica provinziela azetea l proiet dla vedla scola a Urtijëi
USP – L proiet esecutif dla vedla scola elementera a Urtijëi ie chëst’ ena unì tratà y azetà dala Cumiscion tecnica provinziela.
A cundizion de vel pitla mudazions tecniches, à la cumiscion provinziela azetà la verscion esecutiva dl proiet per cumedé ca la vedla scola elementera sun plaza S.Durich a Urtijëi. L proiet che vëija dant n custimënt de 3,279 milion de euro à l fin de pité na lerch plu adateda a ativiteies cultureles. La Bibliotech de valeda S.Durich y la Scola de Mujiga de Gherdëina giaterà nce do chisc lëures la majera lerch te chësta cësa.
as
