Atualità
Cuncors per sustenì a fé tuedes
USP – La Jonta provinziela uel sustenì jëuni che se dà ju cun tuedes y à perchël dat pro n cuncors per na borsa. Fé pea possa esperc da tlo che lëura oradecà y tei da oradecà che lëura tla provinzia de Bulsan.
Cun la mira de avëi truep de bon esperc, à i assessëures provinziei dat pro 500.000 euro per chësc cuncors. Doi terzi de chësta soma ie resserveda per jënt da tlo che fej tuedes oradecà. Per ëi iel udù dant 39.600 euro al ann plu 3.000 euro sce i à familia.
L’autra pert de dut l budget ie ududa dant per esperc da oradecà che lëura tl Südtirol. Per chisc iel udù dant 56.600 euro al ann.
“Speron che chisc esperc cun na bona cualifica reste pona nce a lauré tlo da nëus” à dit Durnwalder te cunferënza stampa do la senteda dla Jonta.
as
