Atualità
Jonta: chëuta sun l auto y aministrazion de raion
USP – Tant che dëssa unì paià l lëur de aministrazion dla Comuniteies de raion, à la Jonta provinziela (ncuei) ai 20 de dezëmber fat ora per l ann 2011. La chëuta per l auto ne unirà tl ann nuef nia mudeda.
L ann passà fova la chëuta sun l auto unida smendrida de 10%. L presidënt Durnwalder à fat al savëi che per l 2011 ne unirà chësta chëuta nia auzeda y resta nscì unfat.
La ncëria da presidënt de cumunità raionela vën paieda cun 5.127 euro lordo sce l ne se tratat nia de n ambolt. Presidënc de cumunità che ie nce ambolc giaperà tl 2011 4.395 euro lordo. “Tenian cont dla gran respunsabltà ie chësc paiamënt giustificà” à dit Durnwalder do la senteda dla Jonta provinziela, “la nflazion dal’ultima mudazion fossa stata de 11%, ma la Jonta provinziela à dat pro n adatamënt de 7%”.
La Jonta provinziela à nce dat pro l paiamënt per la cumiscion di mejes. Aldò dla grandëza dl chemun vëniel paià danter 170 y 200 euro lordo.
as
