Atualità
Reforma dla scoles autes: nfurmazions tl’internet
USP – Do che la Jonta provinziela à dat pro la reforma dla scola auta, aspieten te chësc mumënt l bënsté dl minister per l’istruzion a Roma, dan che la possa jì n drova. Acioche i sculeies y si genitores sebe cie che l sarà dan nuef, iel unì metù on line na plata internet dedicheda. Leprò nce la verscion per ladin.
Sota l adres www.schulreform.bz.it/la possa nteressei abiné nfurmazions sun la reforma dla scola auta, si obietives y cuntenuc. Te na maniera plu a puntin vëniel tlo prejentà la trëi seves dla scola auta, l gymnasium, la scoles tecniches y la furmazion prufesciunela. Leprò nce la stredes de furmazion y la nuviteies. Te na sezion a pert iel da abiné la funtanes de dërt, la basa dal reforma. N lerch dedicheda à nce giapà la modaliteies per se scrì ite ala scola auta.
Chiche ne à mo nia l’ideies tleres te ciuna scola che l ulëssa jì do la scola mesana, abina sun la plata internet dla reforma dla scoles autes, nfurmazion n cont dla singula pusciblteies.
as
