Atualità
La Provinzia de Bulsan ne festejea nia 150 ani unità d’Italia
USP – La Provinzia de Bulsan ne fajerà ufizialmënter nia pea la festes per i 150 ani unità d’Italia. La dezijion che la Jonta provinziela à tëut ai 7 de fauré (ncuei) reverda l’istituzion provinziela y nia na pruibizion de festejé.
“Sce n tën cont che ntan i ultimi 150 ani à la jënt de nosc raion messù fé pea, la vieres, l fascism, l nazionalsozialism, la segonda viera, degun dërt de autodeterminazion y n statut de autonomia sfauzà, pona ne possa deguni pertënder che la istituzion Provinzia de Bulsan, feje festa.” Cun chësta paroles à l presidënt dla provinzia Durnwalder mutivà la dezijion tëuta dala Jonta provinziela. Coche ël à sorissà tla cunferënza stampa an a uni maniera cumprenscion y sensibltà per la populazion de rujeneda taliana che uel festejé. Perchël ne uniral a deguna maniera pruibì festes, ma la Jonta provinziela ne fajerà ufizialmënter nia pea la festes.as
