Atualità
Ufize nuef per mantenì la jënt ti luesc
USP – L pericul che la jënt se n vede demez dai luesc ie veramënter da udëi te de plu chemuns dla provinzia de Bulsan. La Jonta provinziela à (ncuei) ai 14 de fauré dat pro de mëter sun n ufize nuef che se cruzië de analisé la situazions singules y de lauré ora soluzions.
Aldò de defrënta analises iel danter 11 y 31 chemuns che resieia de pierder populazion ajache l mancia da lëur o cualità de vita. “Te chësta listes iel chemuns sciche a Corvara, ma tlo iel dessegur autra gaujes” à juntà l presidënt Durnwalder. Tres n ufize provinziel nuef ulëssen mëter a jì analises sun la rejons dl mucé dla jënt. Chësc n culaburazion cun strutures de tueda. “Helmuth Pingera (coordinadëur leader da dant) y Christoph Gufler (ambolt de Lana da dant) che ie unic nciariei de lauré te chësc ufize nuef, dëssa nce lauré ora prupostes de soluzions” à dit l presidënt dla provinzia tla cunferënza stampa riesc do la senteda dla Jonta.
as
