Atualità
Pratica tla Provinzia per 150 jëuni
USP – La Jonta provinziela à ti si senteda (da ncuei) dl 14 de fauré dat pro 150 stieres de pratica ntan l instà per jëuni che à finà de studië, chëi che studieia mo y per sculeies dla scoles autes. La dumandes possa unì fates nchin ai 20 de merz.
Jëuni puderà nce chëst ann mparé a cunëscer l lëur tla Provinzia lauran pea ti servijes defrënc ntan trëi mënsc d’instà. I assessëures provinziei à dat pro de pité chësta puscibltà a 150 jëuni ti dajan nce n pitl paiamënt. Sculeies che à bele fat trëi ani de scola auta giapa 30 euro al di, studënc y jëuni cun titul de studi 40 euro al di y per pratiches ti ufizies provinziei a Roma o Brüssel iel udù dant 50 euro al di.
as
