Atualità
Duman, juebia ai 3, prejentazion de particuleres sun l Südtirol-Abo
USP – Na sëula cherta per dut l trasport publich tl Südtirol, n sistem plu scëmpl da timbré y tarifes che premia chiche se nuzea de plu di mesuns publics: chëstes ie la seves dl nuef Südtirol-abo che ie unì dat pro dala Jonta provinziela. L assessëur ala mubilità Thomas Widmann prejenterà duman, juebia, i particuleres ntan na cunferënza stampa.
Do che l trasport publich ie unì miurà n cont de strutures y vela de linies, à i assessëures provinziei dat pro n sistem de tarifes nuef. La pert zentrela de chësc sistem ie l Südtirol-Abo, na cherta cun chëla che n possa furné cun curieres, ferata y furadoies publiches zënza se abuné a na linia spezifica. L sistem nuef premieia cun de miëur priejes chiche furnea de plu.
Co che funziunea l sistem nuef, co che la tarifes ie partides su y cie che l unirà pità da nuef, prejenterà l assessëur Widmann
duman juebia, 3 de merz
dala 9.00 danmesdì
tla stazion a val dla furnadoia dl Renon
a Bulsan.
as
