Atualità
400 liec turistics nueves a Badia
USP - Tl chemun de Badia puderal unì njenià 400 liec turistics nueves. La Jonta provinziela à te si senteda dl 14 de merz (ncuei) tratà la dumandes da pert de de pu chemuns.
L Chemun de Badia ova damandà de pudëi aumenté la cumpëida di liec da fité via de ndut 1000 liec. La Jonta provinziela ne à nia azetà dut la cumpëida damandeda y ie stata a una de lascé pro che tl chemun de Badia vëniel njenià 400 liec turistics sëuraprò. Chësc à fat al savëi l presidënt Durnwalder riesc do la senteda dla Jonta.
Cun la lege urbanistica nueva fovel unì dat la puscibltà, sce n respetea criteries metui dant, de aumenté la cumpëida de liec turistics nce te raion svilupei turisticamënter. I chemuns muessa njinië cunzec de svilup turistich y i purté dant ala Jonta provinziela. Vel cunzet ie bele unì tratà dala Jonta provinziela, ma n majera pert ie unì smendrì la cumpëida di liec damandei.
Tl chemun de Eppan puderal unì fat 500 liec nueves (mpede 800 coche damandà), a Kaltern 400 (mpede di 800 damandei) y a Tramin 300 (mpede 440). I assessëures provinziei à nce dat pro 150 lueges da camping per dut l raion de Überetsch a cundizion che l camping sibe a 300 metri de zes dal lech.
as
