Atualità
Cundizions spezieles per dumandes mandedes ite dl 2010
USP – La dumandes de sustëni tl ciamp economich che ie unides fates nchin ala fin dl 2010 unirà mo tratedes aldò dla cundizions spezieles ududes dant dala Comunità Europea per judé ntan la crisa economica. Dumandes fates tl 2011 unirà tratedes aldò di criteries de zënza. Chësc ie unì dat pro (ncuei) ai 21 de merz dala Jonta provinziela.
La regulamentazion De-minimis dla Comunità Europea vëija dant che firmes possa te tëmp de trëi ani giapé suvenzion per de ndut 200.000 euro, zënza messei damandé l bënsté al’autorità europea de cuncors. Ntan la crisa economica mundiela ie chësta regula unida salageda ora 500.000 euro te trëi ani.
Sun pruposta dl assessëur Widmann à la Jonta provinziela dat pro che la dumandes mandedes ite nchin ai 31 de dezëmber 2010 dëssa mo unì tratedes cun la regulamentazion de ezezion y na sëida de 500.000 euro. La dumandes che ie unides fates dadedò unirà tratedes cun la regulamentazion de zënza y la sëida de 200.000 euro.
as
