Atualità
Jonta: garantì l dërt de sanità a duc
USP – L dërt de sanità muessa vester unfat per duc i zitadins. Per chësta rejon uniral analisà y tratà la regules sun l lëur liede di dutores cun la categuries nteressedes. Chësta dezijion à (ncuei) ai 4 de auril tëut la Jonta provinziela do che de plu zitadins se à lamentà che l fossa da aspité enes per n terminn te spedel, ma sce n paia, dëssen giapé riesc la vijita privata.
L presidënt Durnwalder à te cunferënza stampa cuntà che ultimamënter iel plu iedesc unì metù a cunfront cun la dificultà di zitadins che dëssa avëi giapà do pusciblteies da crì ora. “Da una pert na lista da aspité, dal’autra pert, paian na vijita privata, la puscibltà de giapé la cura l di do”. N tel tratamënt ne daussa aldò dl presidënt nia pië pe.
L dërt de sanità unfat per duc se damanda che l vënie cialà do plu avisa la prestazions di dutores de spedel ora de ëura, che possa unì pitedes te spedel. L’ena che vën uel la Jonta provinziela traté relazions apuntin sun chësta cuestion.
as
