Atualità
A scola dal assessëur Mussner
USP – I sculeies di Istituc per l cumerz de La Ila y Urtijëi à fat na lezion de economia cun l assessëur provinziel ai lëures publics Florian Mussner. I maturanc da chëst ann à abù gran nteres per la cunseguënzes che avenimënc tl mond à nce per nosta economia locala.
Catastorfes, rebelions y situazions de emergënza a livel mundiel ne toca te chisc tëmps nia me la jënt tla regions critiches, ma si cunseguënzes se slergia ora sun feter dut l mond. Chësc ie stat l argumënt zentrel dla lezions che l assessëur provinziel Mussner à i dis passei tenì ti Istituc per l cumerz a La Ila y a Urtijëi. I sculeies dla cuarta y cuinta tlasses à fat pea na lezion de economia nternaziunela ulache i à audì dal assessëur provinziel co che la situazion possa se mudé do la rata riesc.
N ejëmpl de gra atualità ie la catastrofa tl Japan cun si cunseguënzes che nes arjonj nce tl’Europa. Propi te chësc cajo iel stat de gran nteres per i sculeies a mparé a cunëscer miec la situazion de forza economica cun na populazion drët lezitënta che sarà i ponc de forza per fé su inò chël che ie unì desdrù. Na cunseguënza dla catastorofa atomara tl Japan ie te chësc mumënt l majer nteres per l’energia alternativa. La Provinzia de Bulsan se à bele da n pez metù sun la streda de funtanes energetiches alternatives, la situazion nternaziunela de chësc mumënt ti dà rejon.
L sistem dla banches talianes ie stat n auter argumënt dla lezions, che nes toca mo plu da daujin. Mussner à spiegà l gran valor dl sistem de cuntrol dla banches naziuneles che ie nchinamò stat de utl per astilé ora insolvënzes sciche l ie suzedù tl’America.
sculeies de economia à abù gran nteres per de plu ciamps dl’economia da pont de ududa pratich y dl’aministrazion publica. La majera cumpëida de dumandes ie unides fates sun sistems de pension, l federalism y la mpurtanza dla chëutes. La sculees y i sculeies à nce mustrà nteres per cuestions sozieles sciche l’imigrazion y si cunseguënzes sozioeconomiches.
as
