Atualità
Uneranzes per meric sportives da Durnwalder nce per ladins
USP – Danter i 25 atlec che ie nsnuet unic unerei dal presidënt dla provinzia Luis Durnwalder tl Felsenkeller dl zënter Laimburg per si arjontes sportives, à 11 nce pudù pië do na uneranza particulera. Danter chisc iel i atlec ladins Elena Runggaldier y Florian Planker. Durnwalder à laudà i atlec che à arjont i livei plu auc te truepa disciplines, lecurdan che a chësta maniera iesi nce ambasciadëures per nosta tiera.
L sport a livel plu aut ie nce esprescion che l vën laurà bën ala basa, ulache nia uni un fej sport per bedaies, ma dantaldut per si pascion. Da pert dla Provinzia vëniel nce fat truep per sustenì l’ativiteies sportives. “L vën njenià la cundizions acioche atlec y duc sportives dl tëmp liede posse ti jì do a si pascion. I resultac da nsnuet mostra che son sun la drëta streda” à dit l presidënt. L suzes tl sport a livel plu aut ne à na me n valor materiel, aldò dl presidënt dla provinzia iel nce debujën de idealism y altruism per ruvé suinsom.
Per uneré i atlec ie nce unit adalerch l presidënt dl CONI Heinz Gutweniger, l presidënt dl cumité provinziel dla FISI Hermann Ambach y dal FISG Christian Trettel cur reprejentanc dla gurpes militeres sportives.
Ntan l ultimo inviern à i atlec dl Südtirol vënciù 27 bedaies, leprò ruva mo i suzesc pra i campiunac dl mond iunior cun autra 10 bedaies.
Atlec che à giapà la uneranza dl sport:
Christof Innerhofer
Elena Runggaldier
Lukas Hofer
Dorothea Wierer
Karin Oberhofer
Roland Fischnaller
Karl Abfalterer
Robert Bacher
Matthias Morandell
Florian Planker
Werner Winkler
Atlec nviei ala festa
Christof Innerhofer
Bedaia de ora (Super-G), arjënt (libra) y bront (cumbinazion) pra i campionac dl mond de schi a Garmisch
Armin Zöggeler
Bedaia de bront tla garejeda singula de lueses pra i campionac dl mond a Cesana
Elena Runggaldier
Bedaia de arjënt de saut pra i campionac dl mond a Oslo
Christian Oberstolz y Patrick Gruber
Bedaia de arjënt pra i campionac dl mond a Cesana
Lukas Hofer
Bedaies de bront (15 km massstart y 10 km sprint) pra i campionac dl mond a Khanty Mansiysk
Peter Fill
Bedaia de bront (Super-g) pra i campionac dl mond de schi a Garmisch
Manfred Mölgg
Bedaia de bront (slalom) pra i campionac dl mond de schi a Garmisch
Roland Fischnaller
Bedaia de bront tl slalom paralel de snowboard pra i campionac dl mond a La Molina
Karin Oberhofer y Dorothea Wierer
Bedaia de arjënt pra la stafeta de biatlon di campionac de Europa a Ridnaun
Carolina Kostner
Bedaia de bront pra i campionac de Europa de jadiné artistich a Bern.
Renate Gietl
Bedaies d’or tla garejeda singula y tla garejeda a scuadres di campionac dl mond de lueses sun purtoi naturel a Umhausen
Anton Blasbichler, Florian Clara a Patrick Pigneter
Bedaia d’or tla garejeda a scuadres di campionac dl mond de lueses sun purtoi naturel a Umhausen
Angelika Rainer
Bedaia d’ora pra i campionac dl mond de arpizeda sun dlacia a Bustemi
Karl Abfalterer, Robert Bacher, Manfred Mair am Tinkhof, Mathias Morandell y Roman Zublasing
Bedaia d’or ti capiunac de Europa de chidlé sun dlacia a Burnech
Florian Planker y Werner Winkler
Bedaia de ora pra i campionac de Europa de sledghockey a Solleftea
Katharina Pliger
Bedia d’or tl podejé (5 km) pra i campionac dl mond INAS per persones cun hadicap a Lans Vercors
as
