Atualità
Campionac dl mond di artejans y mostra te Gherdëina
USP – I campionac dl mond di artejans a Londra y la mostra di artejans te Gherdëina ie stai argumënc dl’ancunteda danter l assessëur provinziel per l artejanat y i respunsabli dl’assoziazion provinziela per l artejanat LVH.
Argumënt prinzipel per l presidënt dl LVH/APA Gert Lanz cun si presidënt de unëur Herbert Friz, l diretëur da dant Hanspeter Munter y l diretëur Thomas Pardeller ie stat l finanziamënt provinziel per scumenciadives dl LVH. L assessëur Thomas Widmann à segurà chësc sustëni provinziel sorissan che l’assoziazion di artejans se à daniëura mpenià per l artejanat y i artejans, dajan gran pëis ala furmazion di jëuni.
I campionac dl mond di artejans che vën metui a jì uni doi ani, sarà chëst ann al scumenciamënt de utober a Londra. L Südtirol unirà reprejentà te 18 mestieres aldò dla cualificazions che ie unides fates tres i campionac provinziei.
La gran mostra dl artejanat a Runcadic ie stat l segondo argumënt dl’ancunteda danter respunsabli dl LVH y dla Provinzia. Tl zënter dal tennis uniral metù ora lëures di artejans di chemuns de Gherdëina, Ciastel y Laion.
as
