Atualità
Duman ai 3 de mei scumëncia la dlaveies per la bolpes
USP – Da n merdi, 3 de mei vëniel tla provinzia de Bulsan scumencià a mëter ora la trapules per ti fé fé ala bolpes la dlaveies contra la rabia. Nchin a n’autëza de 2300 metri uniral nce chëst iede smacà ora trapules da n julier. Do chësta azion ne n uniral mo fat na segonda contra la rabia.
La trapules dla dlaveies unirà smachedes ju dal julier uni 500 metri. Coche spiega l vizediretëur di dutores dal bestiam iel udù dant 26 nchin 30 de tel trapules per chilometer cuadrat. Aldò dla cundizions dl tëmp fejen cont de adurvé 12 nchin 14 dis per chësta azion. Pernan che l ie unì metù ora la trapules iel pruibì jì a ciacia cun l cian. La persones ne dëssa nia tuché la trapules ajache les à bateries virei. Ai cians ne ti fejel nia rie sce i maia una o de plu de chësta trapules.
L ann passà an te dut l raion dl Friul, dl Veneto y dl Trentino abinà feter 200 bolpes da la rabia. Tl Südtirol iel nchinamò stat cin caji de bolpes cun la rabia. L’ultima ie unida abineda l ann passà de juni tl raion dl Chemun de Badia.
as
