Atualità
Jonta provinziela adatea l regulamënt per scrì ora lëures do mestieres
USP – I lëures publics ne possa nia me unì scric ora duc te un n iede aldò dl proiet, ma i possa nce unì scric ora singularmënter aldò di mestieres. “La Union Europea nes à fat al savëi che pudon scrì ora i lëures singularmënter, sën ons adatà l regulamënt” à dit l presidënt dla Provinzia (ncuei) ai 2 de mei do la senteda dla Jonta provinziela.
La Jonta provinziela cumbat bele giut che i lëures per realisé proiec ne muessa nia unì scric ora duc te un n iede, ma nce singularmënter aldò di mestieres. De fauré ova la Union Europea dat la puscibltà de chësc vies tres l “Small Business Act”, ma permò l’ena passeda ie ruvà l scrit ufiziel. “Aldò dla UE possel unì scrit ora lëures sciche chëi da muradëur, da moler, o da eletricher singularmënter” à dit Durnwalder. “De cunseguënza ne ruvons nia sun tan de gran somes y nsci à nce nosta firmes da tlo, che ie de mesura mesana, na puscibltà de giapé la ncëries”.
Tl daunì uniral cialà da cajo a cajo sce l ie miec scrì ora i lëures do mestieres o no, tenian cont dla cualità y dl custimënt di lëures.
as
