Atualità
Mussner: azeté vedli inuemes ladins
USP – “Vedli inuemes che vën adurvei da generazions per ladin, dëssa nce unì azetei tla rujeneda ladina zënza traduzions.” Cun chësc pensier tol l assessëur provinziel Florian Mussner posizion a lëtres te zaites n cont dla numinazion tudëscia dl Troi Paian.
La toponomastica ti raion ladins à per i majeri luesc trëi verscions: la verscion ladina, la tudëscia y la taliana. “Canche la se trata de mëndri ridli, raions o troies – tla microtoponomastica – ne dëssel nia unì adurvà na traduzion artifiziela, ma la verscion uriginela tla rujeneda ladina” nsci Florian Mussner.
L Troi Paian, che passa tres Gherdëina da feter 8000 ani, ie daniëura unì adurvà tla rujeneda ladina. L ie n ejëmpl tlassich per na numinazion de n pitl troi de gran tradizion. “Chësc inuem ladin dëssa unì azetà nce dal’autra grupes de rujeneda y ne possa nia unì adurvà cun na traduzion aldò de pensier tolomeich” sorissea l assessëur Mussner.
as
