Atualità
Prima tofles di ossares ie metudes su
USP – A Gossensaß iel (NCUEI) ai 2 de mei unì metù su la prima tofles per spieghé ciuldì che l fova unì fat i ossares. Ntan i proscimi dis uniral nce metù su la tofles a Mals, per Sanciana/Innichen mancel mo la lizënza.
L presidënt Durnwalder à fat al savëi che n sada passeda ti iel unì cherdà su da pert dla Presidënza dl Cunsëi di ministri y dal Minister dla defendura acioche l ne vënie nia metù su la tofles per spieghé i ossares. N lunesc (ncuei) iel nce ruvà na lëtra dal Minister talian per la defendura. “De merz 2009 ans tëut la dezijion che i ossares ne dëssa nia unì zarei ju, ma che l dëssa unì spiegà l cuntest storich y la rejon ciuldì che i fova unic fai. Ai 18 de merz 2009 ans pona mandà i tesć de spiegazion al Cumissariat de Guviern, ma ne on mei giapà na resposta. Śën ne capësci nia chësta agitazion doi ani do. L Minister Bondi à scrit te si lëtra che pudon mëter su la tofles cun la pruposta de spiegazion” à dit l presidënt dla Provinzia.
Ntan iel a Gossensaß bel unì metù su la tofles, a Burgeis tl chemun de Mals unirales metudes su ti proscimi dis. Sun chësta tofles iel scrit ciuldì che dal 1937 al 1939 fovel unì fat su trëi de chisc ossares daujin ala sëides dla provinzia.
A Sanćiana/Innichen ie la puscion daujin al ossar de avëi dl Stat, perchël muessen tlo mo aspité che l Militer lasce mëter su la tofles.
as
