Atualità
Grandëza dla tlasses de scola y cumpëida de nsenianc
USP - La Jonta provinziela à dat pro la furmazion dla tlasses y la cumpëida de nsenianc tla scoles dla trëi grupes de rujeneda. Tla valedes ladines, cun si pitli luesc uniral fat tlasses cun manco sculeies permez ala scoles ti majeri luesc y tla ziteies.
Tla scoles elementeres possel unì mpartì nchin a 25 sculeies per tlas y tla scoles autes nchin a 27 sculeies. “Sce l ie de plu sculeies muessel unì fat doi tlasses” nsci l presidënt dla Provinzia (ncuei) ai 9 de mei do la senteda dla Jonta.
Cun l mpartì di sculeies per tlas san co che ie la media de sculeies per tlas. Te duc i livei de scola iel tla valedes ladines la mëndra cumpëida de sculeies per tlas. Tl’elementeres tudësces iel na media de 14,5 per tlas, 17 tla scoles talianes y 13 tla scoles ladines. Tla mesanes tudësces iel 18,75 sculeies per tlas, 18,8 tla mesanes talianes y 17,5 tla mesanes ladines. La mëndra tlasses ie nce tla scoles autes ladines cun 15 sculeies permez ala scoles autes tudësces cun 19 sculeies per tlas y la scoles autes talianes cun 18 sculeies per tlas.
La Jonta provinziela à nce dat pro la cumpëida de nsenianc cun 5830 tla scoles tudësces, 1840 tla scoles talianes y 326 tla scoles ladines. “L ne ie nia stat debujen de gran reduzions dla stieres ajache cun la nueva organisazion di dipatimënc per l’educazion ie nsenianc che fova dant ntegrei ti Istituc pedagogics, inò ruvei de reviers te scola” à dit Luis Durnwalder.
sculeies per tlas
| elementeres | mesanes | scoles autes |
scoles tudësces | 14,5 | 18,75 | 19 |
scoles talianes | 17 | 18,8 | 18 |
scoles ladines | 13 | 17,5 | 15 |
as
