Atualità
Nchin dl 2015 smendrì 555 stieres publiches
USP – Alo dl Stat cun si pruvedimënt de stabilità, muessa la Provinzia de Bulsan nchin dl 2015 smendrì 3% dla stieres. Chësc fej ora 555 stieres che aldò dla situazion prejenteda (ncuei) ai 9 de mei tle Jonta provinziela muessa permò unì prugramedes demez.
Ala fin dl 2010 fovel unì metù dant ala Provinzia de messei smendrì almanco 3% de dependënc. “La ne se trata nia de lascé jì dependënc, ma de nia plu tò su zachei canche d’autri va n pension” stlarësc Durnwalder. La Jonta provinziela ti à cialà ala relazion dl prim mez ann per udëi ta inant che n ie. L ie unì mustrà su che n a scumencià a smendrì stieres, ma mo nia cun la drëta determinazion. “Ne pudon nia lascé dut al ultimo di, perchël iel debujën de smendrì la stieres cun plu cunvinzion” à dit Durnwalder.
as
