Atualità
Ai 13 de mei prejentazion di resultac di studi sun mejes storics te Gherdëina
USP – Un di plu vedli mejes documentei te dut l raion dl’Elpes ie te Gherdëina. Chësc ie unì ora da nrescides sun la datazions dendrocronologiches y dal studi sun l’architetura storica che la repartizion provinziela per i monumënc y l Museum de Gherdëina à lascià fé tl cheder di lëures per dé ora la Cherta di Mejes de Gherdëina. L conservator dla Provinzia, Leo Andergassen prejenterà i resultac di studi n vënderdi ai 13 de mei a Urtijëi.
Per pudëi pité n cheder generel de duc i mejes y luesc da paur storics che ie mo unì mantenì te Gherdëina, oven dl 2008 scumencià ai documenté. Tlo jivela de mustré su la luegia plu avisa y de dé na valutazion aldò dl mantenimënt y dl’età. De ndut iel unì analisà 533 luesc y 454 tublei. Duta la nfurmazions y i documënc sun i mejes ie unic abinei adum te na banca dac. Deberieda cun chësc lëur à de plu studënc de storia dl frabiché y cura di monumënc, dl Università de Dispruch muserà i luesc.
Ntan i ultimi mënsc iel nce unì fat nrescides sun la datazions dendrocronologiches, „cun resultac che fej sensazion“ nsci la valutazion dl conservator Leo Andergassen.
La Cherta di Mejes y luesc da paur storics de Gherdëina, deberieda cun la nrescides dendrocronologich y la storia dl frabiché vën prejentei
n vënderdi ai 13 de mei 2011
dala 17.00 tl
Istitut tecnich Raetia a Urtijëi
L rujenerà l diretëur dla repartizion per la cura di monumënc Leo Andergassen, l dendrochronologh Klaus Pfeifer y l’architeta Sonja Mitterer.
as
