Atualità
Jonta lascia cialé do strutures per mo d’autri muciadives
USP – Di per di vëniel for do mo d’autri muciadives dal Nordarfica. Aldò dl’acurdanza cun l Stat de tò su muciadives nce tla provinzia de Bulsan, à la Jonta provinziela (ncuei) ai 16 de mei dat la ncëria de cialé do i lëures che fossa de bujën y l custimënt per tò su mo muciadives.
L’acurdanza cun l Stat vëija dant che la Provinzia de Bulsan debe da albierch a 0,9% di muciadives dal Nordafrica. Nchinamò iel ruvei 45 che à giapà lerch tla caserma Gorio a Bulsan y tla pension Arnika a Maran. Te chësta doi strutures iel mo 25 lueges a desposizion. La Jonta provinziela fej cont che l ne unirà mo do d’autri y nsci an bele udù dant 15 lueges tla “Casa del giovane lavoratore” a Bulsan. “Sce l sarà debujën fajons cont de anjenië la lerch tla casermes de Schlanders, Natz-Schabs y Gossensaß. Perchël lascions cialé do cie lëures che l fossa debujën y tant che chisc unissa a custé” à dit l presidënt dla Provinzia do la senteda dla Jonta.
as
