Atualità
Ncëries de proietazion a Sëuc y Corvara
USP – L Ufize Apalc dla Provinzia de Bulsan à sëurandat la ncëria de proieté lëures pra la casermes de Sëuc y Corvara. Tlo vëniel fat cuatieres che la Provinzia barata cun l Stat, giapan puscions militeres che ne vën nia nuzedes.
Cun l Ministeres taliani per la defendura y la finanzes foven ruvei a una che la Provinzia giapëssa puscions de casermes y raions militeres tl Südtirol che ne vën nia plu nuzei baratan ite cuatieres per ufezieres. Per doi de tei caji iel n merdi ai 17 de mei unì sëurandat deberieda la proietazion y i lëures. A Corvara dëssel unì zarà ju y fat su da nuef doi cëses che fej pert dl "Villaggio Alpino Tempesti". Una na cësa unirà fata pra la "Villa Ausserer" a Sëuc. La ncëria ti ie jita ala firma I.VE.CO spa de Cessalto tla provinzia de Treviso che à pità 1,558 milion de euro per la proietazion y i lëures (scric ora per 1,583 milion de euro). L cuntrat vëija dant 252 dis per la realisazion. Per chësta ncëria se ova pità trëi firmes. Una de chëstes a messù unì stluta ora dal cuncors.
as
