Atualità
Cumiscions y finanziamënt per la cumpëida dla jënt 2011
USP – Cun la data de referimënt ai 9 de utober, uniral nce tl Südtirol tenì la cumpëida dla jënt che vën fata uni 10 ani. La Jonta provinziela à (NCUEI) ai 6 de juni dat pro la basa urganisativa n cont de cumiscion y finanziamënt de 1,9 milion de euro.
De utober uniral tenì doi cumpëides te un n iede. Tres l ASTAT uniral cumpedà sibe la jënt, che nce la families o cunvivënzes cun si cuatieres. Chësta cumpëides vën fates a livel naziunel, ma tla Provinzia de Bulsan vëniel sëuraprò nce damandà na detlarazion (anunima) dla grupa de rujeneda.
La Jonta provinziela à śën dat pro la basa logistica y urganisativa per pudëi fé chësta cumpëides. L ie unì numinà la cumiscion de programazion y chëla de cuntrol. Per finanzië la cumpëida à i assessëures provinziei dat pro n custimënt de feter 1,9 milion de euro.
as
