Atualità
Jonta sun i raions de pericul y referendum
USP – La jonta provinziela à spënt de doi ani la data nchin a chëla che i chemuns muessa avëi njenià l plann di raions de pericul. Danterauter à la Jonta nce lecurdà la mpurtanza de jì al referendum ai 12 y 13 de juni.
Ajache truep chemuns ne ie nia boni de tenì ite la data ududa danter per prejenté l plann di raions de pericul, à la Jonta provinziela dat pro de spënjer chësta data de doi ani. A chësta maniera à i chemuns mo dl’aurela nchin l instà 2013 per de ju chësc plann, sciche l fova unì damandà dla Cunsorz di chemuns.
La Jonta provinziela à nvià i zidadins de jì al referendum ai 12 y 13 de juni. Sciche ova bele lecurdà l assessëur al ambient Laimer, se tratela de tò ju la lege sun la privatisazion dl’ega, de tò ju la lege che lascia pro mplanc nucleares y de tò ju la lege tres chëla che cumëmbri dl guviern ne muessa nia jì dan suneria.
as
