Atualità
Cumiscion per la cuntreda azetea proiec a Mareo y te Gherdëina
USP - La segonda cumiscion provinziela per stravardé la cuntreda à n merdi ai 19 de lugio dat pro proiec per n stont de nfurmazion a Pederü y n ntervënt contra la levines te Sëlva. Leprò iel nce unì azetà n garage pra la sentadoia Florian sun Mont Sëuc y n adatamënt dl rone pra l zënter da podejé sun Mont de Pana a S.Cristina.
La cumiscion provinziela per straverde la cuntreda à azetà l proiet dl Ufize provinziel per parcs naturei de fé su n stont de nfurmazion a Pederü. Chësc stont ie proietà a na maniera da passené drët bën tla cuntreda, nsci la valutazion dla cumiscion aldò de si presidënt Walter Karl Dietl. Tl Chemun de Mareo possel nce unì fat do fermedes dla curiera a Tamersc y Fodara Masaronn. Tlo iel nce udù dant tofles de nfurmazion.
Pra l purtoi dai schi Dantercëpies te Sëlva possel unì fat n ntervënt al rone per tenì su levines. „N iede ons aspità l bënsté geologich dan dé pro l col sun na lunghëza de 60 metri y 5 metri de autëza” spiega l presidënt dla cumiscion Dietl. Chësc col cun dovia na roia dëssa tenì su la nëif.
La cumiscion à nce tratà l proiet per fé n garage per giac dala nëif pra la sëntadoia Florian sun Mont de Sëuc. Nce tlo ie l proiet unì fat a na maniera da nia desturbé la cuntreda. La garage unirà curida da na pert de lën. Dedite uniral fat na stazion cun na pumpa.
Vel cundizion se à la cumiscion per la cuntreda damandà per l’adatamënt dl rone pra l zënter da podejé sun Mont de Pana. Tl chemun de S.Cristina uniral fat do la rata n pitl ntervënt. Feter 500 metri cubich de material unirà spustei a na maniera da pudëi meter su container d’inviern che dëssa unì adurvei per mantenì l zënter.
as
