Atualità
Varianta per la sentadoia sun Sela y parëies sun Ciampinëi
USP – La varianta per la sentadoia nueva y parëies contra levines sun Ciampinëi ie da permò unic dai pro dala Cumiscion per la defendura dla cuntreda. Tramedoi proiec tl chemun de Sëlva reverda l’atività dl jì cun i schi.
Pra la stazion a mont dla sentadoia nueva che da Jëuf de Sela mëina sun i ëures de Fascia (Sasso Levante), iel debujën de gran mures. Aldò dl proiet de varianta unirà chisc mures te peton curì cun sasc. La sentadoia nueva ciafieia mplu cun un n stender demanco. L proiet dla firma ETI vëija me plu dant 12 mpede 13 stendri.
Suinsom dl purtoi Ciampinëi 6 puderal unì fat parëies contra la levines. La Cumiscion per la defendura dla cuntreda cun si presidënt Adriano Oggiano à azetà l ntervënt de segurëza sun na lunghëza de 276 metri. Tl raion Zirmei saral per chësc lëur nce debujën de taië vel lën. I lëures dla sozietà SIF de Sëlva, possa unì fai sota l cuntrol da pert dla Furestela.
as
