Atualità
Plan de Corones: al é gnü tut demez la vedla stangia dl’antëna dla RAS
USP- Bele de dezëmber dl 2010 él gnü arjigné le post de trasmisciun nü dla RAS sön Plan de Corones. Inier (ai 2 de novëmber) él gnü tut demez la vedla stangia dl’antëna. "A chësta moda él gnü fat c'iamò n vare cuntra la reduziun dla groaria por l’ambiënt", dij contënt l’assessur competënt por l’urbanistica Michl Laimer.
![](/news/img/lazy.gif)
La stangia dl’antëna nöia, che vëgn adorada da dezëmber dl 2010 inant sön Plan de Corones, a 2.258 metri sura le livel dl mer é 80 metri alta. "Tles ultimes edemes s’à trasferì i ultims anuzadus y śëgn él düć i manajadus dl radio y dla televijiun, sciöche inće düć i sorvisc de de radiotrasmitënza publics, proteziun zivila, aiüt alpin, crusc blanćia y i.i., manajadus de telefonia mobila y sorvisc de banda leria che trasmët da chilò", dij le diretur dla RAS Georg Plattner.
Por chësta rajun él gnü tut jö inier (ai 2 de novëmber) la vedla stangia dla antëna che ê sön Plan de Corones dlungia la ćiampana dla pêsc. "A chësta moda sunse stà bugn da mudé la situaziun da denant y la odüda dala staziun a munt é indô lëdia", spliga l’assessuria provinziala Kasslatter Mur, che à pro sües competënzes la RAS. An à ćiamò pordüt da tó jö l’antëna denant che al gniss la nëi y al metess man la sajun da d’invern sön Plan de Corones.
usp
Landesrat Laimer zum Abschluss der Arbeiten
- Scarica il file audio 243 kb