Atualità
Provinzia sëurantol la chëuta sun l majer davani
USP - Chiche davania de plu messerà nce tl Südtirol de ju de plu. La Jonta provinziela à (NCUEI) ai 7 de nuvëmber anjenià la cundizions per sëurantò la chëuta sun l majer davani che ie bele unì ududa dant dal Stat.
Per n davani sëura 90.000 euro al ann, messeran nce tl Südtirol paië la chëuta nueva dl Stat per smendrì l debit statel. Per la pert de davani danter 90.000 y 150.000 euro al ann saral da paië 5% de plu. Per l davani sëura i 150.000 euro al ann saral da paië 10% de Irpef sëuraprò.
“Davia che l Stat à la cumpetënza per la chëutes, ne pudons nia fé autramënter” à dit l presidënt dla Provinzia do la senteda dla Jonta. Per dependënc dl’Unità sanitera y dla Provinzia che ie tuchei da chësta regulamentazion, uniral trat ju la chëuta dal 13esim paiamënt. L ann che vën puderai nstës di sce la chëuta dëssa unì spartida su sun duc i mënsc o sce la dëssa unì trata ju ala fin dl ann.
as
