Atualità
Cuntroi di cuntribuc provinziei per la Cultura Ladina
USP – La Provinzia de Bulsan sustën l’atività culturela cun truep cuntribuc a lies, scumenciadives y istituzions. Aldò di regulamënc muessel nce unì cialà do plu avisa na cumpëida spezifica di contribuc paiei ora. Per chisc cuntroi iel ai 16 de dezëmber unì trat a sort 6% dla dumandes di cuntribuc paiei ora dl 2010.
Tl ann 2010 iel tres l Assessorat Ladin unì sustenì la Cultura Ladina cun cuntribuc aldò de 166 dumandes, de chëste uniral cuntrolà plu avisa 11 proiec. Di cuntribuc per lies o cumiteies per atività culturela iel unì trat ora la Lia Mostra d’Ert de Urtijëi, la grupa de mujiga Helios de Urtijëi, l Cunsëi de furmazion S.Crestina, la Lia per l turism de Urtijëi y la grupa de lëur Mantëna laota y encö. Danter l’istituzions iel unì cris ora la Comunità de raion de Puster. N cont de cuntribuc provinziei per ativiteies de furmazion iel unì trat ora de cuntrolé la grupa “Grödner Frauendreigesang” y la Müjiga de Badia. Di cuntribuc per nvestizions uniral fat cuntroi per proiec dl Cor di jëuni de Colfosch Provoxis, la Mujiga de Sëlva y la Uniun bal popular Val Badia.
as
