Atualità
Energia alternativa: Provinzia compra cin curieres a idrogenn
USP – Nchin ala fin dl ann fejen cont che l mplant dal idrogenn a Bulsan Sud possa scumencé a lauré. La Provinzia uel se nuzé de chësta funtana de energia alternativa y va danora anjenian cin curieres a idrogenn. Chësc à la Jonta provinziela dat pro (NCUEI) ai 26 de merz.
Da plu ani lëura la Provinzia bela a n proiet de energia a idrogenn. A Bulsan Sud vëniel fat n mplant che dëssa pité idrogenn per nchin a mile auti (che furnea n mesaria 40 chilometri al di) o 25 curieres (che furnea 180 chilometri al di). Te tëmp de n ann fejen cont cun na produzion de doi milion de metri cubich de idrogenn.
Cumpran cin curieres a idrogenn, uel la Provinzia jì danora y mustré su che l idrogenn ie n’alternativa che buta. Da pert dla Cumenanza Europea vëniel sustenì chësta nvestizion cun 32 percënt dl custimënt.
as
Landeshauptmann Durnwalder über Wasserstoff als alternativen Treibstoff
- Scarica il file audio 1260 kb
