Atualità
Butëighes de dumënia: culaburazion cun Trënt
USP – Per abiné na soluzion ala cuestion di orars dla butëighes à la Jonta provinziela (NCUEI) ai 04 de juni dat pro de lauré deberieda cun Trënt. Da pert de Roma ulëssen liberalisé defin i orars, tlo iesen de chëla de mantenì la dumënia sciche di de paussa.
Do che l Guviern Talian à fat recurs ala lege provinziela sun l cumerz, propi sun l pont di orars de giaurida dla butëighes, cëlen a Bulsan de ruvé inant deberieda cun Trënt. Nce la lege trentina ne vën nia azeteda a Roma. La doi jontes provinzieles de Bulsan y Trënt ulëssa lauré ora diretives per i chemuns che tënie cont dla situazion particuler da mont y dl turism.
Tla senteda dla jonta provinziela ai 04 de juni (NCUEI) à l assessëur Thomas Widmann nce cuntà dl’ancunteda cun l’autorità cumpetënta a Roma.
as
