Atualità
Trassa per ruvé permez al tunel dl Prëner tl PUC
USP – Canche la ferates furnerà tres l tunel dl Prëner, ne puderales nia se mpifé tl raion danter Pruca y la sëida cun l Trentin. Per chësta rejon se mpënia la Jonta provinziela che l vënie purtà inant la trasses da ruvé permez al tunel. (NCUEI) Ai 8 de auril à i assessëures provinziei dat pro che la trassa dëssa unì purteda ite ti planns urbanistics chemunei.
L dessenië ite la trassa dla scines ti planns urbanistichs di chemuns nteressei dëssa unì fat de ufize. La Jonta provinziela à tëut chësta dezijion sun la basa dl'acurdanzes che n ova abinà dan n valgun ani canche l fova unì cialà do la fazion sun l ambient.
"Ulon vester segures che la trasses da ruvé permez al tunel posse unì nuzedes te chël mumënt che la ferates puderà furné tres l tunel dl Prëner. A chësta maniera ne se mpiferales nia tl Unterland y l sarà nce manco fuera per la populazion" à dit l presidënt Durnwalder do la senteda dla Jonta provinziela.
as
