Atualità
Raions periculëusc: se tenì al’esperienza
Aldò de normatives euorpees y stateles muessa i chemuns lauré ora plans di raions periculëusc. Tla senteda deberieda de Jonta provinziela y Cunsorz di chemuns iel unì cunsià de se tenì nce al’esperienza di ultimi doi o trëi seculi, dan pruibì defin ntervënc ala cëses.
Per i plans di raions periculëusc iel udù dant trëi categuries aldò dl pericul: raions cueceni, brumes y ghiei. Ti raions cueceni ne possel nia unì frabicà y chësc cumporta che l grunt pierd de valor. "Per nia se ciarië gran respunsabltà à truep tecnics la tendënza per i raions cueceni, y chësc devënta n problem per truepa realiteies" à spiegà l presidënt dla Provinzia Luis Durnwalder riesc do la senteda. Per chësta rejon vëniel cunsià de se stizé sun l fundamënt y de tò n cunsciderazion sce ti raions n cuestion iel unì ju smueies ntan i ultimi 200 o 300 ani.
Per schivé l pericul pudëssen te vel raion nce fé ntervënc de segurëza, ma chisc ie liei a de majeri custimënc. Per dut l raion provinziel fejen cont cun feter na miliarda de euro.
Nchinamo à na prima pert di chemuns bele dat ju l plann die raions periculëusc y d'autri ie tl lëur dl lauré ora. Do che la Jonta provinziela ova spënt la data, muessa duc i autri chemuns de ju chësc plann nchin ala fin dl 2017. (USP)
as
