Atualità
Dat pro l sustëni provinziel ala furmazion per la grupa ladina
Tl’Assessorat provinziel ladin iel chisc dis unì dat pro la segonda pert de cuntribuc per ativiteies de furmazion per la grupa de rujeneda ladina. Ntan chëst ann sustën la Provinzia de Bulsan a chësta maniera 15 scumenciadives de furmazion per na soma de 61.900 euro.
Tla segonda pert di cuntribuc provinziei per ativiteies de furmazion tl ciamp dla grupa de rujeneda ladina, à l'assessëur ladin Florian Mussner dat pro 32.400 euro per defrënt ativiteies de furmazion. L vën danterauter sustenì na produzion de na CD cun mujiga da mont, libri de poejies, ciantes da Nadel y naturalistica. Danter i proiec che vën sutenii tres chësc capitul per grupa de rujeneda ladina iel nce vel un che reverda publicazions te trëi rujenedes sciche per ejëmpl n liber per mëndri.
Per chëst ann sustën l'Assessorat provinziel ladin ativiteies de furmazion per na soma de 61.900 euro. Chisc cuntribuc provinziei ie mo sëuraprò al sustëni de feter 600.000 euro al ann per ativiteies cultureles dla lies y di artisć. (USP)
Lies y urganisadëures de ativiteies de furmazion sustenides dal'Assessorat ladin
Biblioteca "San Durich" Urtijëi Cumpré libri
Chemun de Innichen/Sanciana publicazion "Grenzen und Befestigungsanlagen im Wandel der Zeit"
Chemun de Urtijëi Publicazion "storia dl chemun"
Egon Insam Registrazion de na CD
Karl Demetz publicazion "Der Steinbock"
Kunst Meran "Südtiroler Schullandschaften"
KVW - Rina atività de furmazion 2013
Lia dal sciach Gherdëina Turnoi nternaziunel
Lia Maestri de Gherdëina atività de furmazion
Mario Rusca publicazion "Le tre sorelle"
Ploania La Plì "Liber sura la pluania"
Südtiroler Gesellschaft für Politikwissenschaft publicazion "Politika 2013"
Ulrica Perathoner Publicazion "Na vita duta en rima"
Union di Ladins de Gherdëina publicazion "Mi plu bela cianties da Nadel"
as
