Atualità
Ai 16 de agost: cunferënza stampa de Durnwalder a Falzes
Per n vënderdi dl’ena che vën, ai 16 de agost nvieia l presidënt dla Provinzia Luis Durnwalder i culaburadëures di media a n’ancunteda te si cësa a Falzes. L presidënt dla Provinzia fajerà n bilanz dl ultimo mez ann y cialerà danora ai mpënies n cont de crisa economica y svilup dl’Autonomia. La cunferënza stampa da instà da chëst ann ie l’ultima de Dunrwalder sciche presidënt dla Provinzia.
La cunferënza stampa da chëst ann a Falzes ie doi iedesc particulera: l ne ie nia me l’ultima de Durnwalder sciche presidënt dla Provinzia, ma l ie nce l’ultima dla lingia de cunferënzes stampa da instà, tenides dai assessëures provinziei ala fin dla legislatura. L presidënt rujenerà de cie che ie jit inant ntan i ultimi mënsc y dla tapes prinzipeles dl tëmp de legislatura. L ne mancerà purempò nia n cialé danora ai argumënc y problems che ie mo da ressolver.
La cunferënza stampa da chëst ann sarà
n vënderdi ai 16 de agost 2013
dala 10.00
tla cësa dl presidënt Durnwalder a Falzes,
streda Lupwald 17.
Do avëi prejentà n cheder dla situazion, sarà l presidënt Luis Durnwalder a desposizion per dumandes y ntervistes di jurnalisć.
as
