Atualità
Ai 26 de agost senteda dla Jonta provinziela zënza cunferënza stampa
Do na pausa da instà de trëi enes, va n lunesc 26 de agost inò inant la sentedes dla Jonta provinziela da uni ena. Davia che l presidënt dla Provinzia y i assessëures furnea mo l medemo di tl Tirol dl Nord per vijité l cunzern Swarovski, toma demez la cunferënza stampa riesc do la senteda de Jonta.
La prima senteda dla Jonta provinziela do la paussa da instà sarà na senteda curta. La Jonta provinziela fajerà n lunesc an vijita ala sëntes dla Swaovski a Wattens y Absam.
Per chësta rejon ne uniral nia tenì la tradiziunela cunferënza stampa dl presidënt Luis Durnwalder. La dezijions de majera mpurtanza unirà fates al savëi dal Ufize stampa provinziel tres comunicat stampa. Chësta comunicazions sarà nce da udëi sun la plata internet www.provinzia.bz.it/usp-ladin.
as
