Atualità
Scoles autes ladines: 85,5% ie passei i ejams de agost
Tla cater scoles autes di luesc ladins ne à 62 sculeies nia finà via l ultimo ann de scola defin positivamënter y à d’instà mo pudù fé do n ejam de singula materies. Puec dis dan che scumëncia l ann de scola nuef ie 85,5 percënt de chisc candidac passei l ejam da instà y possa nsci passé tla proscima tlas.
62 sculeies, danter la prima y cuarta tlas dla scoles autes ladines se à d'instà dat ju cun la materies te chëles che i ne à ntan l ann de scola nia arjont na valutazion positiva. 53 de chisc candidac ai ejams da instà ie passei y à pudù passé tla proscima tlas. Chësc fej ora na perzentuela de 85,5 percënt.
Tla scoles autes ladines ne fova 5,6% (27 sculeies) defin nia passei y l 12,8% (62 sculeies) à giapà la puscibltà de fé n ejam da instà. De juni fova a chësta maniera me 82 percënt di sculeies passei ala proscima tlas. Cun i ejams da instà ie chësta perzentuela śën jita su al 92,5%. De ndut 483 sculeies dla scoles autes te Gherdëina y tla Val Badia ie nscila 447 passei ala proscima tlas y 36 muessa fé l ann da nuef. (USP)
Resultac tla scoles autes ladines 2012/13
| juni | agost | NDUT |
passei | 394 (81,6%) | 53 | 447 (92,5%) |
nia passei | 27 (5,6%) | 9 | 36 (7,5%) |
ejams d'agost | 62 (12,8%) |
|
|
NDUT | 483 (100%) | 62 | 483 (100%) |
Cëla nce l comunicat stampa
Resultac dl ann de scola: 346 jëuni à finà la scoles ladines cun l bonus dla rujenedes, dl 12.07.2012
as
