Atualità
40 stieres per nsenië talian
Tla scoles elementeres de rujeneda tudëscia vëniel cris 40 nsenianc de talian sciche segonda rujeneda. L cuncors aldò ie (NCUEI) ai 23 de setëmber unì publicà tla Gazëta ufiziela. Nteressei possa se nunzië nchin ai 23 de utober.
Tla gazëta ufiziela dla region Trentin-Sudtirol nr. 39 iel unì publicà n cuncors do ejams per 40 stieres da nseniant de talian, sciche segonda rujeneda. Cun chësc pruvedimënt uelen miuré la cualità de nseniamënt de talian tla scoles elementeres tudësces. Per chësc cuncors possa se nunzië chiche à i tituli aldò y ie de rujeneda taliana o ladina. L ultimo di per dé ju la dumanda ie mierculdi 23 de utober 2013. Dlongia la zitadinanza taliana y i tituli de studi, vëniel nce damandà l ejam de bilinguism. La dumandes muessa unì mandedes ite ala Ntendënza tudëscia, streda Amba-Alagi 10. Ai candidac dl cuncors vëniel pità n curs de preparazion metù a jì dal Departimënt tudësch per la furmazion. Nfurmazion plu avisa sun la pruzedures de cuncors ie da giapé sun la lëtra zirculera dl ntendënt (nr. 38 dl 23 de setëmber 2013) sun la plata web dla Ntendënza tudëscia (www.provinz.bz.it/schulamt).as
