Atualità

Desvalì | 22.10.2013 | 17:19

400.958 nviei ala Lites provinzieles, 14.848 ti chemuns ladins

400.958 zitadins dl Sudtirol puderà n dumënia, 27 de utober lité l Cunsëi provinziel nuef. De chisc nen iel 27.908 che puderà lité tres lëtra. A chësta maniera ie la cumpëida di zitadins cun dërt de vela auzeda de 13.162 permez ala veles dan cin ani.

Per l Cunsëi provinziel nuef puderà lité duc i zitadins che à l di de vela cumplì i 18 ani y che ie sun la listes di litadëures. Te dut Sudtirol vel sëuraprò la tlausula a defendura dla mendranzes, che l possa me lité chëi che à da almanco cater ani la residënza tla region Trentino-Sudtirol y che majera pert de chësc tëmp tl Sudtirol.

Ti chemuns ladins dla provinzia de Bulsan ie 14.848 zitadins cherdei a lité l Cunsëi provinziel nuef.

Aldò dla zifres de 373.050 fata al savëi dai chemuns y la cumpëida de 27.908 che possa lité tres lëtra, saral te duta la provinzia de Bulsan 400.958 zitadins che possa lité. Majera pert ie ëiles cun na cumpëida de 190.253 permez a 182.797 ëi.

Per mez al'ultima veles, dl 2008, iel la cumpëida aumenteda de 13.162, davia che dan cin ani fova 387.796 cherdei ala veles. (USP)

Zitadins cherdei ala veles provinzieles 2013

as