Atualità
Invit al’inauguraziun dla mostra de chertes postales d`epoca tl Museum Ladin “Ćiastel de Tor”
Le Museum Ladin "Ćiastel de Tor" a San Martin de Tor inviëia en vëndres, ai 9 de mà dales 6 da sëra ala daurida dla mostra "Carlo Pescollderungg. Coleziun de chertes postales d'epoca". Da odëi saràl de plü cënć de chertes postales dl 19ejimo y 20ejimo secul abinades adöm da Carlo Pescollderungg y scincades al Museum Ladin.
Le colezionist Carlo Pescollderungg da La Ila é n gran apascionè de chertes postales d'epoca y sües coleziuns cumpëda plü de mile ejemplars, cun tröc motifs dles cinch valades ladines ladines, di jus dles Dolomites y che reverda les üties da munt. Al dedaincö é sües chertes postales deventades recordanzes storiches dles valades ladines, olache an po inće odëi le mudamënt dl cheder dla contrada y le svilup dl turism cun i pröms ghesć che gnô adalerch.
La mostra "Carlo Pescollderungg. Coleziun de chertes postales" gnarà daurida en
vëndres, ai 9 de mà dl 2014
dales 6 da sëra
tl Museum Ladin Ćiastel de Tor
a San Martin de Tor
adöm al colezionist Carlo Pescollderungg y al diretur dl Museum Ladin Stefan Planker. La mostra sarà da odëi ćina ai 29 de jügn dl 2014 ti orars de daurida dl Museum Ladin.
Dötes les porsones interessades é dër bel inviades a tó pert.
Informaziuns: Museum Ladin Ćiastel de Tor, strada Tor 65, San Martin de Tor, tel. 0474 524020.
rc
