Atualità
CdA dla RAS nü: ampliamënt dla fira otica, programs tv te HD
Pröma sentada dl Consëi d’aministraziun nü dla RAS, presënt inće le presidënt dla Provinzia Arno Kompatscher, y pröma definiziun dles proscimes prioritês: l'ampliamënt dla fira otica y i programs dla televijiun te HD.
La junta provinziala à inće fat mudaziuns por ći che reverda la RAS, che passa dal assessorat por la cultura diretamënter sot le presidënt dla Provinzia. Na gran lerch ti programs nüs ti vëgn dè al ampliamënt dla rëi de fira otica, a na moda da podëi garantì plü debota che ara va n azès a internet plü aslöm por dötes les families y le dites dl post. La RAS à le compit da realisé punć zentrai por la fira otica (POP), che va debojëgn por l'internet aslöm y por garantì l'eserzize regolar dla rëi de fira otica.
Chësc é stè le pröm punt dl'ativité fissada dal Consëi d'aministraziun dla RAS tla reuniun de costituziun cun le presidënt dla Provinzia Arno Kompatscher. N ater travert important é chël da miorè la cualité dles trasmisciuns dla televijiun cun programs te HD y l'introduziun dl standard de trasmisciun europeich nü DVB-T2. Le mioramënt ne dess nia ma revardè la cualité dla televijiun, mo inće chëra dl radio, cun la confermaziun di laûrs d'ampliamënt dla rëi dl radio digitala. Implü jarà la RAS inant cun la realisaziun de postaziuns de zezeziun por i sorvisc dla televijiun y dl radio y di telefonns mobii por sconè la sanité y l'ambiënt, a na moda da mantignì alć i standarg dl Südtirol te chësc ciamp.
USP
