Atualità
Practicums pro i ofizi dla provinzia a Roma y Bruxelles
Vigni ann vëgnel organisé por studënć y academics practicums pro i ofizi dla Provinzia a Roma y Bruxelles. Por fà para al concurs val debojëgn da dè jö la domanda pro l’Ofize Assunziuns Personal. An po fà domanda ćina ai 31 de messè dl 2014.
Co é pa pordërt organisada la colaboraziun danter la Provinzia y les istituzions de Roma y de Bruxelles? Por düć chi che ô ti jì do a chësta domanda ti vëgnel pité trëi iadi al'ann n'ocajiun unica. Tratan n practicum pro i ofizi dla Provinzia a Bruxelles y Roma ne pon insciö nia ma ti dè n’odlada al funzionamënt dles istituziuns statales y europeiches mo inće odëi sciöche la colaboraziun danter les istituziuns provinziales y statales/europeiches funzionëia. “En confrunt ai practicums tl’aministraziun publica dla Provinzia é i posć ti ófizi fora dl Südtirol dër limità”, spliga l’assessuria por le personal Waltraud Deeg. La poscibilité da podëi fà n practicum é n’ocajiun unica por odëi sciöche pratiches aministratives vëgn laurades fora sön de plü livì, insciö Deeg.
Al é poscibl da fà practicums a Roma y Bruxelles trëi iadi al'ann, tratan l’aisciöda, da d’altonn y d’invern. Trami dui i ofizi mët a desposiziun vigni ann trëi posć. Les condiziuns por tó pert ala seleziun é chëra che an à metü man o rové n stüde academich ti seturs dla iurisprudënza, dles scienzes economiches, politiches o soziales (a Bruxelles inće dles sciënzes agrares) y le superamënt de n test de cualificaziun, che gnarà tignì dal candidat cun le suranstant di ofizi competënć.
Les domandes po gnì dades jö al Ofize Assunziuns Personal a Balsan. An po dè jö na domanda trëi iadi al’ann: ćina ai 31 de messè, ćina la fin de forà y ćina la fin de novëmber.
“La gradatöra di resultać di candidać tëgn spo inće cunt dl titul academich”, spliga le diretur dla Repartiziun Personal Engelbert Schaller. Vigni practicum döra trëi mëisc. Por vigni dè ciafa le practicant de 50 euro brutto.
Por de plü informaziuns:
www.provinz.bz.it/personal/
Tel. +39 0471 41 21 16
tanja.nicolussi-rossi@provinz.bz.it
rc
