Atualità
Unificaziun Zentrala Viabilité y Zentrala Mobilité: Invit conferënza stampa
Cun la fin dl mëis gnarà i sorvisc d’informaziun dla Zentrala Viabilité y dla Zentrala Mobilité unificà por amplié y miorè la comunicaziun cun i zitadins. Chësta modaziun y inovaziun gnarà presentada ai 25 de messè.
Informaziuns atuales y corëtes é de gran valüta y importanza por la segurëza sön strada, dandaldöt canche al sozed interuziuns o intardimënć. La situaziun sön les strades y sön le funzionamënt dl trafich publich gnarà comuniché cun la fin de messé da ma plü un en canal d’informaziun.
Chësta unificaziun dles döes zentrales gnarà presentada te na conferënza stampa,
en vëndres, ai 25 de messè
dales 10.00
tl salf dla Proteziun zivila
tla strada Druso 116
a Balsan.
Ala conferënza stampa sarà presënć: l’assessur por la proteziun zivila Arnold Schuler, le diretur dl departimënt mobilité Valentino Pagani, le diretur dl departimënt proteziun zivila Hanspeter Staffler, le diretur dla repartiziun mobilité Günther Burger y le diretur dl’Agenzia mobilité Roberto Rubbo. Implü sarà inće presënć rapresentanć dl Sorvisc Strades, dl’AutoStrada dl Prener, dla polizia comunala y stradala.
Do la conferënza stampa pol gnì vijité la Zentrala Viabilité, olache na pert dla Zentrala Mobilité gnarà integrada.
rc
