Atualità
Curs de formaziun por insigné inglesc tles scores elementares
La Facoltè de Sciënzes dla Formaziun dla Université Lëdia de Balsan, cun sënta a Porsenù, ofrësc en colaboraziun cun les repartiziuns todësces, talianes y ladines dl’istruziun y dla formaziun dla Provinzia n curs de formaziun profescionala por l’insegnamënt dl lingaz inglesc tla scora primara dl Südtirol. Les domandes po gnì presentades ćina ai 19 de agost dl 2014.
La dorada dl curs, che gnarà tignì por inglesc, é de cater semestri y mët man cun le scomenciamënt dl ann academich 2014/5 y se röia alplü tert ai 30 de setëmber dl 2016. Les domandes por se scrì ite ala proa de seleziun mëss gnì dades jö ćina ai 19 de agost. Le curs de formaziun gnarà tignì a Balsan y é conzepì por insegnanć dles scores elementares.
Le curs prevëiga indöt 320 ores d’insegnamënt cun 80 ores propedeutiches. L’obietif dl curs é le mioramënt y l’ampliamënt integratif, interatif y individualisé dles competënzes tl insegnamënt dl lingaz inglesc inće en referimënt ai svilups dla pedagogia moderna.
Les condiziuns por l’amisciun, les modalitês y de plü informaziuns d’ütl pon ciafè online sön chësc link.
rc
